.png)
Gazeta Si – Klubi rus bën humor në Tik Tok me Juventusin pas humbjes së thellë në ndeshjen me Napolin, ku futbollisti gjeorgjian shkëlqeu me gol dhe asiste.
Khviça Kvaratskhelia ishte në shënjestrën e Juventusit në vitin 2021, kur klubi bardhezi e quajti të ekzagjeruar kërkesën financiare të Rubin Kazanit, ekipit të atëhershëm të ‘Kvaras’. Rusët kërkonin 20 milionë euro për ‘xhevahirin’ e tyre.
Rubin Kazan’s official TikTok account pic.twitter.com/FcKwUcDGTC
— Khaled Al Nouss (@khaledalnouss1) January 15, 2023
Tani, pas paraqitjes shumë të mirë të sulmuesit gjeorgjian në ‘Maradona’, klubi rus gjeti një mënyrë simpatike për t’u tallur pak në Tik Tok me bardhezinjtë, duke publikuar videon e golit të 2-0 në ndeshjen e së premtes.
“Në 2021-ën, 20 milionë euro për Kvaratskhelian ishin shumë?” – është komenti që shoqëron videon. Dhe drejtuesit e Juventusit, me atë që kanë parë në fushë, me siguri e kanë peng që nuk e kanë blerë gjeorgjianin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje