.png)
Gazeta Si - Rruga e Thethit në aksin Qafë-Thore-Theth, vijon të jetë e bllokuar prej disa ditësh pas reshjeve të dendura të borës. Dendësia e dëborës është mbi 1 metër kryesisht në zonën e tuneleve.
Në këtë aks është punuar me mjete dhe punëtorë për ta bërë të aksesueshëm për qytetarët.
Autoriteti Rrugor Shqiptar, thotë se gjatë natës dhe në orët e para të mëngjesit, reshjet e shiut kanë qenë me intensitet mesatar, pa sjellë probleme në qarkullimin e akseve nacionale.
ARRSH thekson se drejtuesit e mjeteve duhet të tregojnë kujdes të shtuar në kohë me reshje, të pajisen me goma dimërore dhe zinxhirë për në zonat malore, të ulin shpejtësinë, të respektojnë sinjalistikën dhe udhëzimet e Policisë Rrugore.
Sipas raportimeve, e bllokuar është dhe Qafa e Predelecit, ku bora arrin mbi 1 metër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
