.png)
Agjencitë e udhëtimit dhe hotelet që ishin më të goditurat nga pandemia gjatë vitit 2020, kanë rritjen vjetore më të lartë të shitjeve, punësimit dhe pagave në tremujorin e tretë.
Treguesit tremujorë të pagave, punësimit dhe shitjeve u rriten në të gjithë sektorët e shërbimit sipas të dhënave të INSTAT. Edhe tregtia me shumicë dhe pakicë, riparimi i automjeteve dhe motoçikletave kishin rritje në të gjithë treguesit.
Indeksi i shitjeve neto në volum shënoi rritje 11.4% në sektorin e tregtisë me shumicë dhe pakicë, riparimi i automjeteve dhe motoçikletave krahasuar me tremujorin e tretë 2020. Indeksi i numrit të të punësuarve shënoi rritje 2.9%, krahasuar me tremujorin e tretë 2020 ndërsa fondit i pagave shënoi rritje 19.7%, krahasuar me tremujorin e tretë të vitit të kaluar.
Hotele me rritjen më të lartë
Indeksi i shitjeve neto në volum shënoi rritje me rreth 2.2 herë, krahasuar me tremujorin e tretë 2020, ndërsa numri i të punësuarve shënoi rritje me 36.6%, krahasuar me tremujorin e tretë 2020. Indeksi i fondit të pagave shënoi rritje 61.4%, krahasuar me tremujorin e tretë të një viti më parë.
Bar, Restorante, pagat u rritën pak
Indeksi i shitjeve neto në volum shënoi rritje 18.7% në bizneset e bareve dhe restoranteve krahasuar me tremujorin e tretë 2020. Indeksi i numrit të të punësuarve shënoi u rrit me 1.8%, krahasuar me tremujorin e tretë 2020, ndërsa fondi i pagave shënoi rritje 14.4%, krahasuar me tremujorin e tretë 2020.
Transport, Magazinim dhe Postë, shitjet u rriten 66.5%
Indeksi i shitjeve neto në volum shënoi rritje 66.5% në sektorin e transportit dhe postës, krahasuar me tremujorin e tretë 2020. Indeksi i numrit të të punësuarve shënoi rritje 5.2%, krahasuar me tremujorin e tretë 2020 dhe fondi i pagave shënoi rritje 19.6%, krahasuar me tremujorin e tretë 2020.
Informacion dhe Komunikacion, fondi i pagave u rrit me 55%
Në sektorin e informacionit dhe komunikimit indeksi i shitjeve neto në volum shënoi rritje 16.9%, krahasuar me tremujorin e tretë 2020, ndërsa indeksi i numrit të të punësuarve shënoi rritje 25.9%, krahasuar me tremujorin e tretë 2020. Indeksi i fondit të pagave u rrit me 55.1 %, krahasuar me tremujorin e tretë 2020.
Aktivitete Arkitekture dhe inxhinierike, rritje në të gjithë treguesit
Indekset e treguesve në aktivitete Arkitekture dhe inxhinierike, në tremujorin e tretë 2021 u rritën për të gjithë treguesit. Indeksi i shitjeve neto në volum shënoi rënie 37.6%, krahasuar me tremujorin e tretë 2020 dhe indeksi i numrit të të punësuarve shënoi rritje 7.0%, krahasuar me tremujorin e tretë 2020. Indeksi i fondit të pagave shënoi rritje 25.3%, krahasuar me tremujorin e tretë 2020.
Agjenci udhëtimi, shitjet u rriten me gati dy herë
Indekset e treguesve në aktivitetin Agjenci udhëtimi, në tremujorin e tretë 2021 patën rritjen më të lartë. Indeksi i shitjeve neto në volum shënoi rritje me rreth 2.1 herë, krahasuar me tremujorin e tretë 2020. Indeksi i numrit të të punësuarve shënoi rritje 10.9%, krahasuar me tremujorin e tretë 2020 dhe indeksi i fondit të pagave shënoi rritje 14.4%, krahasuar me tremujorin e tretë 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
