.png)
Nga Gazeta ‘SI’ – Në tremujorin e fundit të vitit 2024, ekonomia e Shqipërisë u rrit me 3.63% nga 4% në tremujorin paraardhës. Një vit më parë rritja e PBB-së raportohej 3.8%.
INSTAT raporton se rritja më e madhe gjatë kësaj periudha erdhi nga administrata publike, arsimi dhe shëndetësia, me 11.35% dhe tregu imobiliar me 10.76%.
Aktivitetet argëtuese dhe shërbime të ngjashme u rritën me pothuajse 10% dhe tregtia, transporti akomodimi dhe ushqimi me 4.33%. ndërtimi u rrit me 1.6%.
Në fund të 2024-s, raportohet një rënie me 2.7% e bujqësisë dhe 7.73% e industrisë, energjisë dhe ujit.
Konsumi final i popullatës, i cili përbën peshën kryesore të shpenzimeve në ekonomi u rrit, në terma real, me 3.26 %; – Konsumi final i qeverisë u rrit me 0.56 %; – Komponenti i Formimit bruto të kapitalit fiks u rrit me 2.01 %. – Eksportet e mallrave dhe shërbimeve u ulën me 1,73 % dhe Importet e mallrave dhe shërbimeve u rritën me 3.12 %.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
