.png)
Nga Gazeta Si – Chelsea dhe Bayer Leverkusen nisin garën për blerjen e Ardon Jashari-t për të cilin Milan refuzon të rrisë ofertën në 40 milionë euro.
Kuqezinjtë që kanë arritur marrëveshjen me mesfushorin e Club Brugge , rrezikojnë ta humbasin atë me destinacion Chelsea-n ose Bayer Leverkusen që kontaktuar personalisht Ardon Jashari-n.
Anglezët dhe gjermanët janë të interesuar për 22 vjeçarin që u shpall Lojtari i Vitit në “Belgian Pro League” për të cilin Brugge kërkon 40 milionë euro.
Jashari po tregon besnikëri ndaj Milan-it për të cilët refuzoi “kushërinjtë” e Inter. Për këtë arësye ai u la jashtë skuadrës për Superkupën në Belgjikë dhe ndeshjen e parë të sezonit të ri.
Igli Tare beson se do të arrijë ta marrë futbollistin dardan dhe ka vendosur fundin e kësaj jave si “dead line” për Brugge. Në të kundërt Drejtori kuqezi do të kërkojë diku tjetër përforcimin e rradhës.
Jashari nuk u përfshi në foton zyrtare për sezonin e ri dhe pritet të mungojë në ndeshjen e tretë rradhazi, ndaj Mechelen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
