Gazeta Si – Leklerk siglon ‘pole position’ në Montekarlo. Ai regjistroi kohën më të mirë në fund të një sesioni, ku pati edhe një incident në fund për Perez. Rreshti i parë i gjithi për Ferrarin në nisje të garës së nesërme.
Makina Red Bull e meksikanit Perez u godit nga Ferrari i Sainz, i cili e mbylli 225 të mijëtat pas shokut të skuadrës. Leklerk ka arritur ‘pole’-in e 14-të në karrierë, ashtu si kampioni Maks Vershtapen.
A dramatic end to qualifying 😮#MonacoGP #F1 pic.twitter.com/w1A1K3a7wn
— Formula 1 (@F1) May 28, 2022
Rreshti i dytë është zënë nga dy makinat Red Bull. Perez i treti (+0.253) dhe Vershtapen i katërti (+0.290). Të dielën pritet një sfidë interesante mes dy skuderive që po i japin tonin këtij kampionati.
Nga rreshti i tretë do të nisen në Çmimin e Madh të Montekarlos Lando Norris dhe Xhorxh Rasëll.
Leklerk ia doli të ishte para të gjithëve. Tentativa e fundit e rivalëve të tij u sfumua 30 sekonda para se të përfundonte koha. Perez humbi kontrollin e makinës në dishezën Portier dhe goditi barrierat.
Makina e Perez mbeti në mes të rrugës dhe u godit pastaj nga Karlos Sainz, që u befasua teksa e gjeti përpara. Incidenti solli bllokimin e gjithë cirkuitit.
Nga rreshti i katërt nisen në Montekarlo Fernando Alonso dhe Ljuis Hemilton, dy ish-kampionë të Formula 1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
