Rrëfimi i një ‘politikaneje’ të lirë… Arta Dade për herë të parë në skenë si aktore

Nga Luljeta Nelallari - “Një burrë, me një urdhër, me një grusht në tavolinë, apo edhe me një gotë raki përpara, e zgjidh atë që do për një orë. Ndërkohë që ne na duhet një muaj, na duhet të manifestojmë 10-fishin e aftësive, për të mbërritur aty ku një burrë mbërrin shumë lehtë...”, e nisi monologun e saj në Teatrin Kombëtar ish-ministrja e Jashtme dhe ish-ministrja e Kulturës, Arta Dade, një nga politikanet femra më në zë në Shqipëri, por e larguar vitet e fundit nga politika. Tanimë ajo vjen në rolin e aktores aty në skenën e Arturbinës, përballë një publiku të madh që e ndiqte.