Gazeta Si – Kombëtarja zhvilloi sot stërvitjen e radhës për ndeshjen me Izraelin, që luhet më 10 qershor. Trajneri Edi Reja i kishte të gjithë lojtarët të gatshëm, përveç mesfushorit Odise Roshi.
Futbollisti fierak ka kaluar një gjendje gripale, prandaj mungoi edhe në Islandë. Stafi mjekësor vendosi që ai të largohet nga grumbullimi, kështu që nuk do të jetë me skuadrën për ndeshjen e radhës.
Roshi ëhstë mungesa e vetme për kuqezinjtë në ndeshjen e së premtes. Broja është stërvitur normalisht dhe duket në gjendje të mirë fizike. Kjo do të thotë se shanset janë që ai ta nisë titullar ndaj Izraelit.
Me grupin ka punuar sot edhe Myrto Uzuni, i cili ditët e fundit ishte stërvitur individualisht.
Kuqezinjtë kanë edhe një seancë të fundit stërvitore para ndeshjes me Izraelin. Para kësaj seance, trajneri Reja dhe kapiteni Berisha do të dalin në konferencën e zakonshme për shtyp.
Shqipëria ka si objektiv vendin e parë në grup në Ligën e Kombeve dhe për këtë i duhet patjetër fitorja në “Air Albania”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
