Gazeta Si – Kristiano Ronaldo ka firmosur zyrtarisht kontratën që e lidh me Al-Nasr deri në qershor të 2025-ës. Zyrtarizimi ka ardhur nga klubi arab. Sulmuesi portugez, 37 vjeç, nga 22 nëntori ishte pa skuadër, pasi mbylli aventurën me Mançester Junajtid.
Në Arabinë Saudite Ronaldo do të fitojë 200 milionë euro në vit, mes pagës dhe dhënies të të drejtave të imazhit klubit të tij të ri.
الرياضي الأعظـم عالميًا 🌏
— نادي النصر السعودي (@AlNassrFC) December 30, 2022
يـوقع رسميًا لـ #العالمي 🤩#رونالدو_نصراوي pic.twitter.com/BBq469mAYh
Vetëm pak ditë më parë presidenti i Al Nasr, Musli Al-Muamar, tentoi të përgënjeshtronte akordin, duke thënë: “Lajmet që kanë dalë nuk janë korrekte. Pjesa më e madhe e atyre që janë thënë dhe shkruar, janë gënjeshtra”.
Sipas CBS, është gjetur edhe shtëpia, ku CR7 (që do të jetë edhe ambasador për kandidaturën saudite për organizimin e Botërorit 2030) do të banojë me Xheorxhinën dhe fëmijët. Një vilë e madhe pranë fushës së stërvitjes.
Moduli i preferuar i trajnerit Rudi Garsia është 4-2-3-1, ku spikasin Luiz Gustavo, Taliska e Abubakar dhe Ospina. Pas 10 ndeshjesh në kampionat, Al-Nasr mban vendin e dytë në klasifikim, 2 pikë prapa Al-Shabab.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
