Gazeta Si – Intervista e Kristiano Ronaldos për Pirs Morgan vazhdon të diskutohet ende për shkak të kritikave të ashpra të portugezit ndaj trajnerit Ten Hag.
“Trajneri më tha të pres shansin tim. E kuptoj, por nuk mund të më trajtojë si të tjerët, – ka thënë CR7. – Nëse më fut vetëm 3 minuta në fund, është tallje për mua. Nuk e fsheh se raporti me trajnerin nuk është i mirë. Nuk më respekton”.
Në janar ndarja me Mançester Junajtid është e paevitueshme dhe në lidhje me merkaton, Ronaldo duket se i ka shkelur syrin Arsenalit: “Nëse Mançesteri nuk e fiton titullin, do doja ta fitonte Arsenali. Ka një skuadër të mirë, më pëlqen si luan, më pëlqejnë lojtarët dhe trajneri. Kanë një grup të mirë”.
Në intervistën e gjatë portugezi ka lënë të hapur mundësinë për të luajtur bashkë me Mesin: “Unë dhe Leo bashkë? Gjithçka është e mundur, me siguri do të shesim shumë fanella. Nuk kemi darkuar kurrë bashkë, por do të më pëlqente. Është një futbollist i pabesueshëm, magjik”.
Dhe pastaj një batutë për Botërorin e Katarit: “Nëse Portugalia fiton Botërorin, nuk ka rëndësi kush shënon në finale. Nëse mundim Argjentinën në finale 3-2 dhe unë shënoj golin vendimtar, e lë futbollin që në atë moment”, – ka thënë Ronaldo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
