Gazeta Si – Kush e fiton titullin në Serinë A sezonin e ri? Shumë thonë Interi, duke pasur parasysh lëvizjet e deritanishme në merkato. Edhe Ronaldo ‘Fenomeni’ voton për zikaltrit, pasi mendon se kanë skuadrën më të kompletuar.
“Interi mund të kishte fituar titullin edhe sezonin e fundit. Madje, për një moment praktikisht e kishte fituar. Tani është kthyer Lukaku, një sulmues që në Itali bën diferencën. Ai dhe Lautaro janë një dyshe thuajse perfekte.
A do të kishte fituar Interi sezonin e fundit me Lukakun? Nuk jam fallxhor, por them se po. Interi e humbi titullin në derbi dhe duke menaxhuar keq dy muajt e vetëm të vështirë që pati. Në ato momente të duhet kurajë për të fituar ndeshjet e komplikuara në vend që të barazosh.
Janë momente, ku duhet të kapesh pas dikujt, pas dikujt të fuqishëm si Lukaku. Me të do të ishte më e lehtë, patjetër”, – ka thënë mes të tjerash braziliani në një intervistë për “Gazzetta dello Sport”. Milani është i paralajmëruar nga ‘Fenomeni’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
