Nga Gazeta ‘SI’ – Bashkë me muajin nëntor është rikthyer edhe zhvlerësimi i euros. Pas një stabilizimi 2-mujor, euro ka prekur sot (2 nëntor) nivelin më të ulët që nga gushti, 105.36 lekë.
Të njëjtën tendencë kanë pasur edhe valutat e tjera, me dollarin që këmbehet me 99.17 lekë dhe paundi britanik me 120.85 lekë.
Pika më e ulët e kursit të këmbimit ishte në mesin e korrikut kur 1 euro këmbehej me 100 lekë. Deri në fund të tetorit, kursi ishte stabilizuar rreth 106 lekëve pa luhatje.
Kjo tregon se qarkullimi i euros në tregun vendas vazhdon të jetë i lartë dhe ndonëse sezoni turistik është pranë fundit. Temperaturat e larta zgjatën sezonin. Forcimi i lekut dhe zhvlerësimi i euros është arsyetuar pikërisht me flukset turistike në vend dhe me rritjen e eksporteve, si nga qeveria ashtu edhe nga Banka e Shqipërisë.
Gjithsesi euro nisi dobësimin që në tremujorin e parë të vitit dhe po vazhdon ende, duke vënë në dyshim arsyetimin e mësipërm. Për ekspertët e pavarur, luhatjet e forta janë burim i parasë informale në vend dhe spekulimit të qëllimshëm.
Për ekspertët e BSH-së, ky është kursi i ri i këmbimit dhe nuk ka gjasa që të rikthehet në nivelet e mëparshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
