Rikthehet moti i keq në vend. Në Qarkun e Korçës, gjatë natës, ka pasur reshje dëbore, të cilat vazhdojnë ende me alternime. Trashësia e borës në qytet është rreth 5 cm.
Në rrugën e Dardhës rekomandohet kalimi i mjeteve me zinxhirë ose goma dimërore.
Ndërkohë, vështirësi paraqet edhe segmenti rrugor i Bigllës, në rrugën e Doganës Goricë. Nuk ka probleme në rrugët e tjera nacionale dhe rurale të qarkut.
Ndërkohë, rezulton se nga reshjet e borës dhe lagështira janë krijuar disa probleme me energjinë elektrike në fidrat që mbulojnë zonën e Vithkuqit, Petrushës dhe Zvezdës, së bashku me fshatrat rreth tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
