Rihanna konsiderohet si një nga këngëtaret më të mira të muzikës moderne. Edhe pse prej disa vitesh këngëtarja nuk ka publikuar asnjë këngë të re, ajo vazhdon të jetë e preferuar në të gjtihë botën. Lajmi më i fundit që kishim për të ishte se do të performojë në Super Boël në shkurt të 2023.
Skena e Super Bowl ka parë emra të mëdhenj vitet e fundit, si Katy Perry, Shakira, Jennifer Lopez, Dr. Dre, Eminem dhe Beyonce.
Performanca e Rihannës pritet të jetë një nga ato që do të mbeten të paharrueshme për publikun. Apple TV madje i kërkoi këngëtares të regjistrojë performancën e saj dhe ta përfshijë atë në një dokumentar të ri për rikthimin e saj në muzikë.
Për ta bindur atë të bashkëpunonte, kompania i ofroi asaj miliona dollarë.
“Ka shumë kuriozitet për çdo gjë që ka të bëjë me Rihanna-n. Rikthimi i saj në skenën muzikore për herë të parë në kaq shumë vite është shumë i rëndësishëm”, tha një burim i Apple për britaniken “The Sun”.
“Provat, takimet e saj me artistë të tjerë, por edhe ajo që ndodh në prapaskenë do të regjistrohen dhe do t’i japin publikut një pasqyrë se si është jeta e saj tani, si një nënë e re dhe si ndihet për rikthimin në industrinë e muzikës”, shtoi burimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
