Gazeta Si – Luhen sot tri ndeshjet e para të 2023-shit në Superiore, të vlefshme për javën e 16-të të saj. Fokusi është te sfida mes Partizanit dhe Vllaznisë, që zhvillohet në orën 16:00, në kryeqytet.
Partizani kryesues, me 29 pikë, pret Vllazninë, së cilës nuk i lejohen më hapa falsë, pasi ka mbetur prapa në renditje dhe rrezikon zonën europiane. Pritet të jetë një ndeshje e luftuar, për më tepër që në tribunë do të jetë edhe trajneri i Kombëtares, Silvinjo.
Të dyja skuadra nuk kanë bërë lëvizje të mëdha në merkato, kanë thuajse të njëjtin grup që kishin. Të kyqtë bazohen te dyshja Skuka-Cara në sulm, ndërsa Vllaznia vuan ende mungesën e Liridon Latifit.
Më parë në fushë zbret Tirana, që luan në fushën e Laçit. Kampionët në fuqi kanë 4 pikë diferencë me kreun dhe e kanë detyrim fitoren ndaj një Laçi që vjen në këtë ndeshje me mungesa të shumta titullarësh. Në orën 13:00 luhet edhe ndeshja tjetër mes Bylisit dhe Kukësit, një sfidë për pikë mbijetese.
Superiore, java e 16-të
Sot, ora 13:00
Bylis-Kukësi
Laçi-Tirana
Ora 16:00
Partizani-Vllaznia
i-Vllaznia
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
