Rezistenca ndaj antibiotikëve mund të përkeqësohet duke vrarë afro 40 mln njerëz deri në vitin 2050

Numri i jetëve të humbura në të gjithë botën për shkak të infeksioneve që janë rezistente ndaj medikamenteve që synojnë t'i trajtojnë ato mund të rritet me gati 70% deri në vitin 2050.

Sipas një studimi të publikuan në ‘Lancet’, nga viti 2025 deri në vitin 2050, bota mund të shohë më shumë se 39 milionë vdekje që i atribuohen drejtpërdrejt rezistencës superbakteriale.

Rezistenca superbakteriale ndodh kur patogjenët si bakteret zhvillojnë aftësinë për të shmangur medikamentet e përdorura për t'i vrarë ato.

Organizata Botërore e Shëndetësisë e ka quajtur AMR-në "një nga kërcënimet kryesore globale për shëndetin publik dhe zhvillimin", e nxitur nga keqpërdorimi dhe mbipërdorimi i medikamenteve tek njerëzit, kafshët dhe bimët, të cilat mund të ndihmojnë patogjenët të zhvillojnë rezistencë ndaj tyre.

Studimi i ri zbulon se kur bëhet fjalë për prevalencën e AMR dhe efektet e tij, "ne presim që ajo të përkeqësohet", tha autori kryesor Dr. Chris Murray, drejtor i Institutit për Metrikën dhe Vlerësimin e Shëndetit në Universitetin e Uashingtonit.

“Ne kemi nevojë për vëmendjen e duhur për antibiotikët e rinj dhe administrimin e antibiotikëve në mënyrë që të mund të adresojmë atë që është me të vërtetë një problem mjaft i madh,” tha ai.

Studiuesit, nga Projekti i Kërkimit Global mbi Rezistencën Antimikrobiale, Instituti për Metrikën dhe Vlerësimin e Shëndetit dhe institucione të tjera, vlerësuan vdekjet dhe sëmundjet që i atribuohen rezistencës antimikrobike për 22 patogjenë, 84 kombinime patogjen-ilaçe dhe 11 infeksione në 204 vende dhe territore nga viti 1990 deri në vitin 2021.

Studiuesit zbuluan se nga viti 1990 deri në vitin 2021, vdekjet nga AMR ranë më shumë se 50% tek fëmijët më të vegjël se 5 vjeç, por u rritën më shumë se 80% tek të rriturit 70 vjeç e lart, tendenca që parashikohet të vazhdojnë.

Studiuesit vlerësuan se, në vitin 2050, numri i vdekjeve globale që i atribuohen rezistencës antimikrobike mund të arrijë në 1.9 milion, dhe ato që lidhen me rezistencën antimikrobike mund të arrijë në 8.2 milion.

Sipas të dhënave, rajonet e botës më të prekura nga AMR dhe vdekjet që i atribuohen janë Azia Jugore, Amerika Latine dhe Karaibet, dhe Afrika Sub-Sahariane dhe shumë prej këtyre rajoneve nuk kanë akses të barabartë në kujdes cilësor.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.