Kriza botërore dhe ndalesa e detyruar për shkak të koronavirusit imponojnë reflektime, por japin mundësinë për të ndryshuar, nëse është e mundur për të përmirësuar, shumë aspekte të jetës, përfshirë futbollin. Gianni Infantino , presidenti i FIFA – s , duket se po shkon në këtë drejtim: ” Futbolli rrezikon recesionin, por ne shikojmë disa mundësi: ne mund ta reformojmë atë. Më pak turne, por më interesant. Më pak ekipe, por më të ekuilibruar . Ne i kemi përcaktuar sasitë e dëmeve, le të shohim se si t’i mbulojmë ato, duhet të bëjmë sakrifica.
Kjo në të ardhmen, por së pari duhet të mendojmë për të tashmen. “Shëndeti është kryesor, pastaj pjesa tjetër. Këtu flas edhe për rinisjen e futbollit. Do të luhet kur shëndeti i askujt nuk është në rrezik. Nevojiten masa të vështira për të mbrojtur kontratat, për rregulloren mbi statusin e lojtarëve dhe transferimet. Nuk kemi zgjedhje tjetër, do të duhet të bëjmë sakrifica ”.
VAR: “Tani për tani i domosdoshëm: nëse përdoret siç duhet, nuk do t ketë polemika. Fakti është që disa vende nuk respektojnë protokollin e IFAB. Është e rëndësishme të kuptohet se ndihmon gjyqtarin, jo se është një tjetër që merr vendime “.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
