Nga Gazeta 'SI' - Shqipëria i ka kërkuar zyrtarisht Emirateve të Bashkuara Arabe, ekstradimin e vëllezërve Valter dhe Durim Bami.
Me firmën e ministrit Ulsi Manja, qeveria arabe po shqyrton shkresën e shtetit shqiptar.
Pak javë më parë u raportua se vëllezërit Bami u shoqëruan nga policia arabe dhe pas identifikimit, ata u arrestuan.
Durim Bami është një ndër të kërkuarit e SPAK, pasi emri i tij doli në dosjen “Revanshi” si planifikues I vrasjes së Erigers Mihasit, Arben Ndokës dhe Tori Xheçukës.
Të shtunën e 29 qershorit, në Shqipëri u arrestua një tjetër i kërkuar nga e njëjta dosje, Astrit Avdylaj, i njohur si “Niçja” i Shijakut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.