‘RespirArt’, parku i parë i artit mjedisor që tingëllon

Instalacione artistike që mund të dëgjohen dhe jo vetëm të shihen. Ndodh në parkun e artit mjedisor “RespirArt”, në Val di Fiemme. Parku, në Pampeago, një shteg alpin midis provincave të Trentos dhe Bolzanos, përveçse është ndër më të lartët në botë, tani është edhe “parku i vetëm që e përkthen artin në tingull”.

Përurimi – Me rastin e Ekspozitës së 14-të Ndërkombëtare të Artit Mjedisor “RespirArt 2022”, e cila do të zhvillohet nga data 23 deri më 30 korrik, parku homonim – i lindur nga puna e themeluesve dhe kuratorëve Beatrice Calamari dhe Marco Nones – do të presë midis 37 instalacioneve të tij artistike, 16 “vepra zanore”, pra të afta të lëshojnë tinguj që mund të dëgjohen përmes kufjeve speciale akustike. Prodhuar nga kolektivi artistik Miscele d’Aria Factory, i cili e quajti koleksioni “RespirArt”, secila prej këtyre veprave buron nga interpretimi muzikor, tingullor dhe zhytës i disa skulpturave në park.

Instalacionet – Priten katër instalacione të reja arti. Në punë ‘Zest Artist Collective’ – ZAC, një grup artistësh nga Namibia, Peruja, Australia, Italia, Holanda, Gjermania dhe Spanja. Projekti i tyre “Residenza Insecta” u konceptua nga kolektivi dhe do të realizohet nga austriaku Imke Rust dhe namibianja Sally Kidall. Artistja milaneze Alessandra Bruno, e diplomuar për pikturë dhe gdhendje në Akademinë e Arteve të Bukura në Maidstone Kent (Mbretëria e Bashkuar) do të krijojë “L’ora d’oro”, duke dekoruar një pengesë orteku në park, një shenjë e njeriut që është i angazhuar me natyrën. Artisti nga Bolzano, Sergio Camin, i cili në artin e tij është frymëzuar nga ullinjtë do t’i japë jetë instalacionit “Loro”. Më në fund, për të dytin vit radhazi artisti sicilian, Jano Sicura, i cili prej vitesh ndodhet në Gjermani, do të jetë i ftuar i eventit.

Një nismë për mjedisin – “RespirArt”, shprehja u krijua nga organizatorët e ngjarjes për të treguar një iniciativë në të cilën vetë vizitorët do të jenë protagonistë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.