Është regjistruar sot një rekord në futbollin e femrave dhe protagoniste është një shqiptare, Kosovare Asllani. Ajo ka realizuar 3 gola për Realin e Madridit në më pak se 3 minuta, saktësisht për 155 sekonda.
Asllani është nga Kosova, por ka pasaportë suedeze dhe luan për kombëtaren e Suedisë në futboll për femra, si dhe për klubin e madh spanjoll të Real Madridit. Rekordi është regjistruar në ndeshjen e kampionatit ndaj Valencias, që përfundoi me rezultatin 3-1.
Të 3 golat mbajnë firmën e Kosovare Asllanit, sulmueses 31-vjeçare. Para Realit, Asllani ka qenë pjesë e Mançester Sitit dhe PSG-së, dy klube të tjera të mëdha europiane. Ajo është nominuar më parë edhe për “Topin e Artë” në futboll për femra, ndërsa tashmë e sheh emrin e saj në librin e rekordeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
