Ekspertët e shëndetit publik në Amerikë kanë propozuar që gratë me risk më të lartë të kancerit të gjirit të fillojnë ekzaminimin që në moshën 40 vjeç për të zvogëluar rrezikun e vdekjes nga sëmundja.
Propozimi është një përditësim i rekomandimit të vitit 2016, në të cilin grupi i punës rekomandoi që mamografitë të fillojnë në moshën 50-vjeçare.
Tani, Shoqata Amerikane e Kancerit ka rekomanduar që gratë të fillojnë mamografinë që në të 40-at.
“Rekomandimi ynë i ri sugjeron që gratë të fillojnë kontrollimin me mamografi për kancerin e gjirit në moshën 40 vjeçare dhe të kontrollojnë çdo vit tjetër deri në moshën 74 vjeçare,” thotë Wanda Nicholson, një dekane e Universitetit George Washington.
Rekomandimi nuk është përfundimtar, por do të jetë i hapur për komente publike deri më 5 qershor.
Një punim i botuar në tetor në revistën Nature tregon që incidenca e kancereve të ndryshme të diagnostikuara tek 50-vjeçarët dhe më të rinjtë është rritur në shumë pjesë të botës që nga vitet 1990.
“Rritja e incidencës së kancereve ndoshta pjesërisht i atribuohet kontrolleve në moshë të re dhe rritjes së zbulimit të hershëm para moshës 50 vjeç, në disa lloje të caktuara të kancerit, veçanërisht kanceret e gjirit, prostatës dhe tiroides”, shkruajnë studiuesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
