Gazeta Si – Trajneri Edi Reja ka shpallur sot listën e 23 lojtarëve të grumbulluar për miqësoren me Arabinë Saudite, që luhet më 26 tetor në Abu Dhabi.
Nga emrat e zakonshëm kuqezi janë dy sulmuesit veteranë, Sokol Cikalleshi dhe Bekim Balaj, si dhe Odise Roshi që rikthehet. Gjithë të tjerët janë të rinj dhe pjesa më e madhe vijnë nga Superiorja.
Për shumë lojtarë është hera e parë që thirren në Kombëtare. Janë emra të ekipeve kryesore të elitës, si Tirana, Partizani, Vllaznia e Teuta. Disa të tjerë vijnë nga kampionate të huaja, si Toli nga Ukraina dhe Mitaj nga Rusia.
Ekipi do të grumbullohet më 22 tetor në Durrës dhe më 24 tetor do të udhëtojë drejt Abu Dabit. Ndeshja luhet në “Al Nahyan Stadium”, në orë 16:30.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
