Mançester Junajtid ka pasur shumë ulje-ngritje këtë sezon dhe më siguri stoli i Solskjaer është lëkundur fort kohët e fundit. Drejtuesit e “Djajve të kuq” po shohin për alternativa të tjera dhe mes kandidatëve, sipas “Daily Star”, është edhe italiani Antonio Konte, aktualisht i papunë.
Emri i Kontes në fakt u përmend disa ditë më parë si trajneri i mundshëm i Njukastëllit. Ish-trajneri i Juventusit dhe Interit e refuzoi ofertën e majme të sheikëve të këtij klubi dhe me sa mund të kuptohet, ai joshet pikërisht nga Mançester Junajtid, që është një emër shumë i madh i futbollit anglez dhe atij europian.
Për momentin gjithçka është ende në kuadrin e një hipoteze, por bisedimet mes palëve mund të kenë avancuar. Konte është pushim që pas largimit nga Interi, ndërsa Mançester Junajtid kërkon një ekspert për të konsoliduar pozitat e skuadrës. Italiani është një trajner autoritar dhe e njeh mirë Premier Ligën, ku më parë ka drejtuar edhe Çelsin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
