.png)
Gazeta Si – Real Madrid fiton Botërorin e klubeve për herë të 5-të në historinë e tij (pas 2014-ës, 2016-ës, 2017-ës dhe 2018-ës). Në Rabat ‘Merengues’ triumfuan në një 5-3 piroteknike ndaj Al Hilal.
Për skuadrën e Ançelotit shënuan dy herë Vinicius, dy herë Valverde dhe një herë i zakonshmi Benzema. Për sauditët shënuan Marega dhe dy herë Vieto. Në finalen e vendit të tretë fitoi Flamengo, që mundi 4-2 Al Ahli.
Reali e nisi mirë ndeshjen, duke shënuar dy gola të shpejtë me Vinicius dhe Valverde, por Al Hilal reagoi mirë më pas dhe shkurtoi në 2-1. Megjithatë, rezistenca e sauditëve do të zgjaste vetëm një pjesë, sepse në të dytën Benzema, Vinicius dhe Valverde, treshja sulmuese e Ançelotit, realizoi edhe 3 gola të tjerë.
Në fund do të kishte vend për dopietën e Vietos, por që vlen vetëm për statistika. Reali Madrid është si një magnet për trofetë, ashtu si dhe trajneri italian. Karlo Ançeloti ka fituar trofeun numër 24 në karrierë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje