Gazeta Si – Real Madrid po përgatitet që tani për goditjet e radhës në merkato, në janar dhe në verën e ardhshme. Dy emrat e përzgjedhur nga gjigantët spanjollë janë Nikolo Barela dhe Alfonso Devis.
Barela, mesfushori i Interit, shihet si zëvendësues ideal i Luka Modriç. Për futbollistin italian klubi i presidentit Florentino Perez është gati të shpenzojë 80 milionë euro. Një shifër e konsiderueshme, që mund ta tundojë Interin, edhe pse bëhet fjalë për një nga titullarët më të rëndësishëm të tij.
Reali do të tentojë gjithashtu edhe ‘Alaba bis’. Drejtuesit e klubit spanjoll kanë vënë në shënjestër anësorin e Bajernit të Mynihut, Alfonso Devis.
Lajmi bëhet i ditur nga ‘Marca’, që shkruan se spanjollët kanë siguruar talentin kanadez të bavarezëve. Me afrimin e tij Reali do të siguronte krahun e majtë të mbrojtjes për shumë vite. Tani priten zhvillime konkrete në të dyja këto pista, por të kërkon Reali, është e vështirë të refuzosh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
