Gazeta Si – Përfaqësuesit e lartë të PSG-së dhe ata të Realit të Madridit do të ulen shumë shpejt në një tavolinë për të diskutuar për të ardhmen e Kilian Mbape. Lajmi bëhet i ditur nga e përditshmja spanjolle “Marca”, që është shumë afër zhvillimeve në kampin madrilen.
Takimi do të zhvillohet para supersfidës së Ligës së Kampionëve në “Parc des Princes”. Florentino Perez dhe Nasser Al-Khelaifi do të darkojnë së bashku në një nga restorantet më të mirë të Parisit jo vetëm se kështu e kërkon ‘protokolli’, por edhe për të folur nga afër për një çështje shumë të rëndësishme.
Gazetari Felix Diaz shkruan se argumenti kryesor i diskutimit mes dy presidentëve do të jetë sulmuesi Mbape. Nga njëra anë është lojtari që ëndërron të luajë me fanellën e Realit të Madridit dhe që po shtyn me të gjitha mundësitë transferimin në Spanjë, kurse nga ana tjetër është PSG-ja që po përpiqet të bëjë gjithçka për ta mbajtur sulmuesin francez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
