Gazeta Si – Një rast i rrallë vjen nga Gjermania. Sipas ‘Sky Sport De’, Herta e Berlinit ka zgjedhur presidentin e saj të ri, i cili është Kai Bernstein, i cili më parë ka qenë një tifoz ultras i skuadrës.
Bernstein, 41 vjeç, është zgjedhur pas një asambleje të jashtëzakonshme dhe do të marrë vendin e presidentit historik të Hertës, Verner Gegenbauer. Ky i fundit ishte në detyrë që prej vitit 2008.
Klubi i njohur gjerman e ka siguruar pjesëmarrjen në nivelin elitar pas ‘play-off’-it me Hamburgun. Pra, është kthyer në futbollin që vlen, në Bundesligë.
Bernstein ka fituar konkurrencën me politikanin Frank Stefel. Ai ka marrë 1670 vota mes 3016 votuesve në total.
Rasti në fjalë është vërtet interesant, sepse presidenti i ri i Hertës ka qenë për një kohë të gjatë një ultras i skuadrës berlineze. Tifozët tashmë mund të rrinë të qetë, sepse skuadra është në duart e dikujt që ka zemrën dhe ngjyrat e Hertës së Berlinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
