Gazeta Si – Xhorxh Rasëll ka fituar garën Sprint të Brazilit, e treta dhe e fundit për Botërorin 2022. Në Interlagos piloti britanik i Mercedesit arriti suksesin e parë. Në vend të dytë Karlos Sainz, në të tretin Ljuis Hemilton dhe në të katërtin kampioni Maks Vershtapen.
Ende nuk ka ardhur fitorja e parë në një garë zyrtare, por nëse bën atë që bëri në garën Sprint, Rasëll mund të shpresojë edhe për të triumfuar në garën e sotme në Brazil. “Princi” i Mercedesit ishte madhështor në San Paolo dhe suksesi i tij në garën Sprint ka sjellë buzëqeshje në bokset e ‘shigjetave të argjendta’.
Sainz zuri vendin e dytë, por për shkak të penalitetit për ndryshimin e motorrit, do të niset nga vendi i 7-të në garë.
STARTING GRID 🇧🇷
— Formula 1 (@F1) November 12, 2022
A front-row lockout for @MercedesAMGF1 👊
Fernando Alonso drops down the order following a penalty, and now starts P18 #BrazilGP #F1 pic.twitter.com/TG7BWw7KKj
Kevin Magnusen u nis i pari, por qëndroi në krye vetëm dy xhiro, më pas ia la vendin Vershtapenit. Holandezit iu desh të mbrohej fort ndaj Rasëllit, i cili priti momentin e duhur për parakalimin vendimtar. Një parakalim i studiuar dhe finalizuar mirë nga piloti anglez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
