Gazeta Si – Në raportin vjetor të Këshillit të Lartë të Prokurorisë, kreu i këtij institucioni Alfred Balla, ka bërë bilancin e drejtësisë për vitin që lamë pas dhe tregon prioritetet për 2023-in.
Balla tha se prokuroria nuk është në ditën e saj më të mirë, por po punon për të plotësuar numrin e vakancave, pasi mungojnë më shumë se 100 prokurorë.
“Prokuroria nuk është në ditën e saj më të mirë”, u shpreh Balla, ndërsa foli për vakanca të prokurorëve në sistem, Ai tregoi edhe se si do të plotësohen ato për vitet në vijim.
“Sot prokuroria nuk është në ditën e saj më të mirë, aktualisht në detyrë janë rreth 214 prokurorë me një numër vakancash rreth 107 prokurorë që i mungojnë sistemit”.
Balla shtoi se “sistemi i Vettingut ende s’ka përfunduar, janë rreth 88 prokurorë në proces, rreth 50 janë pezulluar nga KPK, 3 nga KLP për procedime disiplinore. Janë shkarakur 75 prokurorë, 21 janë dorëhequr, për 12 prokurorë është marrë një vendim nga KPK. Kanë kaluar vettingun rreth 60 prokurorë”.
Një nga prioritetet e vitit 2023, mbetet plotësimi i vakancave përmes emërimeve që dalin nga shkolla e Magjistraturës.
“Këshilli ka menduar që këto vakanca t’i mbushë përmes emërimeve të reja që dalin nga shkolla e magjistraturës. Në total bëhen 75 prokurorë që do mbushin radhët e vakancave për tre vitet e ardhshme”.
Po ashtu kreu i KLP-së u shpreh se janë miratuar 4 rregullore të reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
