.png)
Insulina është një hormon që prodhon pankreasi. Është e nevojshme që trupi të përdorë ose të ruajë sheqerin në gjak nga ushqimi që hamë. Diabeti shfaqet kur pankreasi nuk prodhon mjaftueshëm insulinë ose qelizat nuk i përgjigjen insulinës në trup. Nivelet e larta kronike të glukozës në gjak për shkak të diabetit mund të rezultojnë në komplikime afatgjata, të tilla si humbja e shikimit, probleme me veshkat, amputimi i gjymtyrëve të poshtme, ataku në zemër dhe goditjet në tru. Aktualisht, më shumë se 420 milionë njerëz të në mbarë botën jetojnë me diabet.
Sipas raportit, globalisht, rreth 9 milionë njerëz me diabet të tipit 1 mbështeten në insulinë për të mbijetuar dhe rreth 63 milionë individë me diabet të tipit 2 kërkojnë insulinë për trajtim. Megjithëse zbulimi i insulinës në vitin 1921 revolucionarizoi trajtimin e diabetit, qasja e pamjaftueshme për kujdesin ndaj insulinës dhe diabetit në shumë vende mbetet një shekull më vonë. Ekzistojnë boshllëqe të konsiderueshme në akses, veçanërisht në vendet me të ardhura të ulëta dhe të mesme, pavarësisht nga barra në rritje e diabetit. Rreth 80% e njerëzve me diabet në mbarë botën jetojnë në vende me të ardhura të ulëta dhe të mesme.
Raporti i fundit i OBSH-së, përshkruan barrierat aktuale ndaj aksesit të insulinës, identifikon shkaqet e këtyre barrierave dhe tregon strategji për të përmirësuar aksesin në insulinë dhe pajisje të përballueshme, të sigurt dhe efektive në nivel global.
Barrierat dhe shkaqet.
Aktualisht, insulina nuk është e përballueshme ose e disponueshme në shumë vende. OBSH shpjegoi se një nga shkaqet janë “çmimeve të papërballueshme” është një rishikim i çmimit të insulinës.
Kasia Lipska është profesoreshë e mjekësisë në Shkollën e Mjekësisë Yale në New Haven, tha se rreth 15 vjet më parë, një shishe insuline e quajtur Humalog kushtonte rreth 59 dollarë për shishe.
“Tani, në vitin 2018, e njëjta shishe, e njëjta insulinë , i njëjti produkt kushton rreth 300 dollarë. Kjo ka ndodhur në shumë lloje të ndryshme të insulinës dhe veçanërisht ato që u zhvilluan në vitet 2000. Ata janë rritur në çmim në mënyrë dramatike dhe eksponenciale gjatë dekadës së fundit apo më shumë,” tha ajo.
Ndërsa Ruth Weinstock, presidente e Mjekësisë dhe Shkencës për Shoqatën Amerikane të Diabetit, tha se kjo ka bërë që shumë individë të racionojnë insulinën e tyre ose të mos marrin insulinë, duke shkaktuar komplikime akute dhe kronike kërcënuese për jetën, madje edhe vdekje.
“Pajisjet dhe furnizimet e përdorura për të monitoruar nivelet e glukozës dhe për të ndihmuar në drejtimin dhe rregullimin e dozimit në mënyrë që insulina të administrohet në mënyrë të sigurt janë gjithashtu të shtrenjta. Kur glukoza nuk monitorohet, terapia me insulinë nuk mund të optimizohet,”tha Weinstock.
Sipas OBSH-së në shumë vende, kujdesi për insulinën dhe diabetin ofrohet vetëm në spitalet dytësore ose terciare në një nivel të pamjaftueshëm për të plotësuar nevojën.
“Njohuritë dhe kompetencat e punonjësve të kujdesit shëndetësor për përdorimin e insulinës dhe edukimin e pacientëve mund të mos jenë të disponueshme,”ka deklaruar OBSH.
Burimi: MedicalNews/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje