Gazeta Si – Ylber Ramadani do ta vazhdojë karrierën në Serinë A italiane. Mesfushori i kombëtares shqiptare do të luajë tek skuadra e Leçes, e cila ka arritur akordin me Aberdenin në Skoci për transferimin e mesfushorit.
Kështu, një tjetër lojtar i bashkohet kolonisë kuqezi që do të luajë në Serinë A në sezonin 2023-2024.
Futbollisti 27-vjeçar nga Maqedonia e Veriut kishte arritur akordin me puljezët, por klubi skocez kishte refuzuar ofertën e bërë nga italianët prej 1 milion eurosh.
Leçe e rriti shifrën në 1.2 milionë euro, përfshirë edhe 10% të vlerës në rishitjen e radhës dhe kjo u pranua nga drejtuesit e Aberdenit.
Ramadani do të firmosë kontratën e re, pasi të kalojë vizitat mjekësore. Interes për mefushorin kuqezi kishte edhe Hellas Verona.
27-vjeçari luajti 44 takime me ekipin skocez në vitin e shkuar futbollistik, ndërsa kishte edhe dy vite kontratë. Ai shënoi një gol dhe dhuroi 3 asiste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
