Ish-kryeministri Sali Berisha në një reagim për mediat, u shpreh se kryeministri Rama me deklaratën e tij për gazetarët se “Erion Veliajn po e linçojnë” i firmosi këtij të fundit azilin politik.
Sipas Berishës, Rama u kërcënua nga Erion Veliaj dhe për këtë arsye ai u tërhoq.
“Edi Rama i bëri Veliaj dhuratën më të pazakontë për 2025. Ai de facto, me deklaratën e tij se Veliajn po e linçojnë, i firmosi lejen e azilit politik kudo që ai ta kërkojë. Pardje Rama deklaroi se Veliaj po hetohet si gjithë të tjerët dhe se çdo njeri mund të hetohet.
Dje ndërroi. Rama mori një ultimatum nga Veliaj. Ky kërcënim e detyroi Ramën të bëjë një kthesë dhe të firmosë lejen e azilit për njeriun me të cilin ka vjedhur qindra milionë”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
