.png)
Kryetari i KQZ-së, Ilirjan Celibashi ka kërkuar hetim të thelluar mbi kandidatin e PSD-së në zgjedhjet e 25 prillit, Tom Doshi. Ai ka argumentuar edhe arsyet se pse.
“Hetimi i thelluar kryhet në ato raste kur KQZ merr indicie nga përmbajtja e formularit të deklarimit. Ligji parashikon që KQZ mund ti marrë këto indicie edhe nga të dhënat e tjera publike. Rasti i z.Doshi është i tillë…”.
Por si e komenton kryeministri Rama, rastin në fjalë.
“Vetë ambasadorja më parë e ka komunikuar me publikun me atë që unë i kam thënë. Së dyti nuk kemi asnjë dallim me ambasadoren dhe së treti, unë dhe ne kemi ndërkohë një target më të gjerë se sa individi për të cilin flasim sepse ne duhet të merremi me Saliun përpara të cilit Tom Doshi është engjëll, duhet të merremi me Ilirin përpara të cilit Tom Doshi është engjëll, duhet të merremi me Monikën përpara të cilës Tom Doshi është engjëll. Ndërkohë për Tom Doshin, unë nuk kam asnjë dallim nga ambasadorja dhe qëndrimi i Shteteve të Bashkuara.
Në raport me ta është engjëll. Nëse Tom Doshi është përcaktuar nga Shtetet e Bashkuara për korrupsion domethënës, unë nuk kam asnjë arsye ta vë në dyshim përcaktimin e tyre dhe për këtë arsye, ne nuk jemi aleat. Nëse për Tom Doshin, korrupsioni domethënës ka sjellë qëndrimin e SHBA-ve e kuptoj shumë mirë se nuk mund të mbajnë të njëjtin qëndrim për Saliun, Ilirin dhe Monikën. Unë jo e përjashtoj veten, nuk kam asnjë lidhje me ata, jo me korrupsion domethënës, unë si person personalisht. E kuptoj plotësisht që ambasadorja nuk mund t’i rreshtojë ata të tjerët…”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
