Kryeministri Edi Rama ndodhet në Britani të Madhe ku po zhvillon një vizitë zyrtare.
Takimi i Ramës me homologun e tij britanik, Rishi Sunak është programuar pasditen e të enjtes.
Ky do të jetë takimi i parë zyrtar mes Ramës dhe Sunak.
Ndër çështjet më të rëndësishme që do të diskutohet mes tyre do të jetë ajo e emigrantëve të paligjshëm shqiptarë, por edhe çështja e krimit të organizuar.
Rama i nisi takimet në London School of Economics
“Në prestigjiozen London School of Economics për të krijuar një ‘Task Force’ të përbashkët për të drejtat e punonjësve, kontratat e përbashkëta të punës, arsimin profesional dhe politikat rreth emigrimit” komentoi Rama në Facebook.
Më pas Rama do takojë përfaqësues shqiptar të biznesit. Më tej me kryetarin e Dhomës së Komunëve, Lindsay Hoyle, ndërsa takimi me homologun Sunak do të mbahet rreth orës 16:00 ku pritet të ketë një deklaratë për mediat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
