Gjatë protestave të pranverës së vitit të kaluar të opozitës, njëra prej “viktimave” të trazirave ishte kërpudha e vendosur në oborrin e Kryeministrisë, si dhuratë e artistit Carsten Holler.
Tashmë, kur kanë kaluar më shumë se një vit që nga ai episod, kërpudha jo vetëm që është rikthyer në vendin e saj, por edhe më e lartë.
“Pas shkatërrimit të saj nga molotovarët e pranverës së shkuar, kërpudha e artisit të mirënjohur bashkëkohor Carsten Holler, dhuruar prej tij nga koleksioni i famshëm i disa muzeve prestigjozë të botës, është rikthyer në vendin e vet 1 m më e lartë se ç’ishte”, shkruan Rama në Instagram.
Kryeministri ironizon me opozitën duke thënë se: “Karakteristika e kësaj kërpudhe është se kur goditet rritet, kështu që kush e sulmon duhet ta mësojë se vetëm e lartëson”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
