.png)
Kryeministri Edi Rama tha se zhvillimi i zonës së Rivierës ka hapur mundësi të reja për banorët e zonës. Gjatë shpërndarjes së disa titujve pronësie në Dhërmi, Rama u tha banorëve që prona e tyre është një aset i vyer, pasi çmimi për metër katror aty është më i lartë se në Korfuz.
“Ndërtimi i infrastrukturës ka sjellë që çmimi në të gjithë zonës të shkojë duke u rritur deri në pikën që pjesë të caktuara të kësaj zone e kanë sot çmimin më të lartë se në Korfuz”, tha Rama. “Sot të blesh një metër katror në këtë zonë është më shtrenjtë se në Korfuz. Dhe këto metra i disponojnë pronarët që i kanë këtu”.
“Të thuash që këtu është bërë politikë për të shpronësuar himarjotët dhe banorët autoktonë në funksion të oligarkëve - se oligarkë në Shqipëri nuk ka. Fjala oligarkë nuk lidhet me sipërmarrësit e mëdhenj shqiptarë, është një fjalë e hedhur në erë dhe si të gjitha gënjeshtrat e mëdha që janë ato që thithen e besohen më shpejt, edhe kjo ka zënë vendin e vet.
Rama tha se investimet për këtë zonë i kanë ndryshuar faqen dhe nuk janë bërë për individë të veçantë, por për të gjithë banorët autoktonë. “kur vija në Himarë përpara, sikur vija në një Bathore, por jo Bathorja sot, por Bathorja e dikurshme, me det, nuk është bërë në të gjitha kohërat përpara kësaj periudhe që ne qeverisim, me fakte. Se është rritur numri i turistëve, ashtu si kundër pakkush mund ta imagjinonte. 10 milionë turistë u arrit vjet, sivjet mund të shkojë 12, mund të shkojë 13. Kjo ndodh sepse turistët që vijnë në këtë zonë gjejnë arsye për të ardhur”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
