.png)
Nga Gazeta Si- Kryeministri Edi Rama e ka quajtur një situatë të imponuar nga rrethanat mungesën e Erion Veliajt në dëgjesën për buxhetin në njësinë 2 ndërkohë që zv/kryetarja e Bashkisë Tiranë Anuela Ristani ka prezantuar buxhetin.
Fillimisht ishte drejtuesja politike e qarkut Ogerta Manastirliu e cila foli për buxhetin 2026 por dhe buxhetin bashkiak, për t’i lënë fjalën zv/kryetares Anuela Ristani. Ristani gjithashtu mbajti postin e kryetares së komanduar pas arrestimit të Veliajt.
Ndërkohë, Rama e nisi fjalën e tij duke thënë se dëgjesa “është një ushtrim që ne e bëjmë edhe si rezultat i një situate që e dini shumë mirë dhe që është një situatë disi e imponuar nga rrethana qe nuk varen prej nesh”.
Por, shtoi Rama, është e domosdoshme që të gjithë të bëjnë atë që duhet brenda mundësive dhe pozicioneve që kanë që gjërat në bashkinë e Tiranës të shkojnë sa më mirë.
Rama tha se mbështetja ekstra për presionet do të shkojë në shifrën 1.7 miliardë euro të cilat janë të ndara në 4 vite, janë të përcaktuara në buxhetin afatmesëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
