.png)
Nga Gazeta ‘Si’- Kryeministri Edi Rama, u premtoi banorëve të Fushë-Krujës ndërtimin e rrugës lidhëse mes Krujës dhe Tiranës gjatë mandatit të katërt qeverisës.
Në takimin përmbyllës elektoral në Fushë-Krujë, Rama e nisi fjalimin e tij me pasojat e tërmetit ku përmendi banesat e reja dhe projektin e rindërtimit.
“Për familjet e goditura nga tërmeti u ndërtuan banesat e reja dhe u strehuan pas asaj ngjarje të rëndë. Janë shpërndarë apartamente dhe po vijon puna për pjesën e mbetur. Shpërndarja e 350 apartamenteve të fundit, ka mbetur për shkak të periudhës zgjedhore dhe do bëhet së shpejti, pasi të përfundojë ky proces që ka rregulla dhe ligje të caktuara, sepse nuk e bëjmë dot në fushatë. Do realizojmë edhe ëndrrën e vjetër të Krujës, për të pasur një rrugë lidhëse drejtpërdrejtë me Tiranën. Tani kjo rrugë është pjesë e programit tonë”, u shpreh Rama mes të tjerash.
Ai foli edhe për borxhet e lëna nga qeveria e kaluar, “gropa ekonomike” siç e quajti ai, buxhetin dhe prodhimin e brendshëm, teksa nënvizoi se deri më 2030 ky buxhet do trefishohet, nga 8 mld që është aktualisht, në mbi 30 miliardë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
