.png)
Nga Gazeta ‘Si’- Kryeministri Edi Rama ironizoi sot partitë e reja dhe i akuzoi se sipas tij ata po mashtrojnë qytetarët vetëm për vende në parlament.
Në fjalën e tij përballë elektoratit në Skrapar, Rama tha se partitë e reja kanë vetëm moshën e re, ndërsa shtoi se sipas tij këto parti ngjajnë me “Suden” apo “Vehbiun”.
“Kanë dalë disa zogj të vegjël, që thonë: ‘bëhet’, ‘s’bëhet’, ‘bashkë’, ‘veç’… Më kujtojnë Suden, Vehbiun dhe Rapush Xhaferrin. Ata ta bëjnë detin kos e jetën vaj. Jepu votën dhe nuk do ketë më as korrupsion, as padrejtësi, as çmime të larta. Vetëm jepu votën që të marrin një karrige në parlament. Dhe thonë: ‘ne jemi të rinj’. Të rinj janë vetëm në moshë. Shikojini si fusin gjithë krushqit në lista dhe thonë ‘ne jemi në listën e hapur’”, u shpreh Rama.
Ai shtoi se pjesë e kësaj panorame është edhe Lulzim Basha, kreu i Koalicionit Euroatlantik.
“Është koalicioni tek pull, i pari koalicion tek pull. Dhe kur e pyesin sa parti ka, thotë: ‘shko në internet dhe gjeje’. Do të na mungojë, sepse është artist”, u shpreh Rama.
Më tej, kreu i PS theksoi se kush voton për “kënetën”, siç e cilëson ai opozitën është rrugë-humbur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
