.png)
Nga Gazeta Si- Ministrja Diella do të ketë 83 ‘fëmijë’, që do jenë ndihmës të deputetëve të PS-së.
Kryeministri Edi Rama, gjatë një interviste në Forumin Ndërkombëtar të Berlinit, tha se ajo do të ketë 83 fëmijë, e secili do të jetë asistent për çdo anëtar të parlamentit të PS-së, do mbajnë shënim për çdo gjë që ndodh, do sugjerojë anëtarët e parlamentit dhe “këta ‘fëmijë’ do kenë informacione të mira për integrimin”.
Sipas Ramës, ky sistem synon të sigurojë që çdo deputet të ketë mbështetje të drejtpërdrejtë për menaxhimin e informacionit dhe vendimmarrjen.
Ky projekt, siç theksoi Rama, është shembull i përpjekjeve të qeverisë për të përdorur teknologjinë në shërbim të qytetarëve.
“Ne duhet të shfrytëzojmë inteligjencën artificiale dhe sistemet digjitale për të ndihmuar institucionet tona të funksionojnë më mirë, duke e bërë çdo hap të qeverisjes më transparent dhe më efektiv”, deklaroi Rama.
Rama theksoi se qëllimi kryesor është të përshpejtohet procesi i integrimit të vendit në Bashkimin Europian, duke përdorur teknologjinë dhe inteligjencën artificiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
