.png)
Nga Gazeta ‘Si’-Pasi ironizoi deputetin demokrat Dash Sula se mbeti pa parti për të kandiduar në zgjedhjet e 11 Majit, kryeministri Edi Rama nënkuptoi se dhe ai mund t’i bashkohet Partisë Socialiste.
Rama tha se Sula duhet të jetë pjesë e një procesi politik por fillimisht duhet të dezinfektohet nga e kaluara.
Sipas tij, nuk ka nevojë për të dhënë provim për t’u bërë pjesë e PS, mjafton që “të ketë dritë në sy për Shqipërinë”.
“PS është një shtëpi e hapur, nuk është një shtëpi ku duhet të japësh provim, a e di, a s’e di programin. Këtu ne kemi të kuq, rozë, pak më bojëqielli. Jemi të hapur edhe për blunë. Rëndësi ka që njerëzit të kenë dritë në sy për Shqipërinë. Jemi këtu për t’i thënë të gjithëve mirësetëvini. Përveç salamandrave të kënetës dhe kukumjaçkave, ata nuk kanë vend këtu.
Dash Sula duhet të hyjë në një proces, se mund të jetë një ditë edhe Dash Sula. Por për momentin duhet të dezinfektohet. Duhet të heqë morrat e kënetës”, tha Rama nga Elbasani.
Më herët, në një paralelizëm me Kalanë e Rozafës, ai e thumboi Sulën duke u shprehur se ai e ndërtoi partinë ditën në Peqin, por ia prishën gjatë natës.
“Nuk është rastësi që kalaja e Rozafës është legjendë shqiptare, ndërto ditën e prish natën. Ndërto Dash Sula gjithë atë parti në Peqin dhe ia prishën natën, u gdhi në mëngjes dhe ia kishin marrë partinë, ia morën natën partinë Dash Sulës.
Gjithë ajo parti atje, nuk dihet se kush do ti hajë ato kokrra gruri se gjeli detit mbeti pa parti. Gjel deti e kam kompliment se është në fushë të thatë, se të tjerët janë lluc. Mund të thuash çfarë të duash për atë, po ato që i ka, i ka”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
