.png)
Nga Gazeta Si- Kryeministri Edi Rama theksoi se brenda pak ditësh do të bëhen me dije çmimet e reja të referencës.
Ai tha se do kenë dhe një element tjetër të ri, që taksa për shtëpinë e dytë do jetë më e madhe sesa për shtëpinë e parë.
“Kështu që, bashkitë, sidomos ato të bregdetit, do ketë një të ardhur të shtuar nga ky proces pasi shumë njerëz në bregdet kanë shtëpitë e dyta”.
Por, nga ana tjetër, tha Rama, një gjë duhet patur parasysh se në disa bashki “kemi taksa lokale eksesive, gjë që nuk na bën sens”.
Rama kërkoi nga ministria e Financave që të japë një ‘udhërrëfyes’ edhe për rastet në disa bashki ku ka taksa tavoline psh apo të tjera ndërkohë që taksa është zero për biznesin e vogël.
“Ka edhe raste ekstravagante fare ku këtyre që merren me miniera apo investime në energji iu vënë taksa lokale të çuditshme dhe kjo nuk bën sens”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
