.png)
Nga Gazeta ‘Si’- Kryeministri Edi Rama e konsideroi çështje ekzistenciale hyrjen e Shqipërisë në Bashkimin Europian.
Ai tha se Shqipëria nuk mund të jetë ‘delja e zezë që e ha ujku’ teksa shtoi se duhet të jemi në BE ashtu siç kanë dashur të parët tanë.
Duke iu përgjigjur komentuesve në rrjete sociale, Rama përmendi edhe heroin kombëtar, Gjergj Kastriot Skënderbeun dhe poetin Naim Frashërin, të cilët kishin Perëndimin si pikë orientimi.
“Nëse shihni në çfarë situate komplekse është Europa dhe bota, bashkimi me BE-në është çështje ekzistenciale, nuk mund të rrimë veç, nuk mund të jemi delja që e ha ujku. Duhet të jemi në BE ashtu siç donin të parët tanë. Në kohën e Skëndërbeut nuk kishte BE por kishte Europë, dhe ai i vuri gjoksin dhe e mbrojti. Edhe në kohën e Rilindasve nuk kishte, por Naim Frashëri tha ‘dielli lind atje ku perëndon’.
Sot integrimi është ekzistencial. Kush ka të drejtën të votojë më 11 maj duhet të votojë për Shqipërinë në BE, ka shumë arsye për ta bërë këtë gjë, arsye patriotike dhe personale”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
