.png)
Gazeta Si – Ndërtesa të shumta janë dëmtuar rëndë në Tel Aviv pasi janë goditur nga një raketë iraniane, kanë deklaruar shërbimet e emergjencës. Ky ishte sulmi i parë i Iranit ndaj Izraelit pasi Shtetet e Bashkuara goditën bazat bërthamore iraniane.
Pas sulmit, autoritetet izraelite kanë konfirmuar se 86 persona janë plagosur dhe janë shtruar në spital. Lajmi u bë i ditur nga Ministria izraelite e Shëndetësisë dhe është raportuar nga “The Times of Israel”.
“Kjo është një zonë e prekur rëndë. Disa ndërtesa banimi dykatëshe janë dëmtuar rëndë, dhe disa janë shembur”, tha agjencia e shërbimeve të emergjencës Magen David Adom (MDA).
Pamjet e publikuara nga shërbimet e emergjencës tregojnë pjesë të një ndërtese në gërmadha dhe dëme të mëdha në ndërtesat përreth. Një numër i madh i ekipeve të emergjencës ndodhen në vendngjarje.
Policia izraelite tha se oficerët dhe njësitë e çminimit ndodheshin në vendin ku ka rënë municioni në Izraelin qendror. Një zyrtar i qytetit në Haifa, në veri të vendit, gjithashtu konfirmoi një goditje në atë qytet.
Shërbimet e emergjencës izraelite kishin thënë më herët se po shkonin në të paktën 10 vendndodhje pas valës së fundit të sulmeve me raketa iraniane.
“Forcat e Kërkim-Shpëtimit janë duke vepruar në disa vende në të gjithë vendin, ku janë marrë raporte për raketa të rëna”, tha IDF. Njëmbëdhjetë persona janë plagosur nga sulmet, sipas MDA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
