.png)
Kalabria bëhet rajoni i parë me statut të vetëm në Itali që aktivizon programet e Rai-t të dedikuara për një gjuhë minoritare.
Marrëveshja e fundit e nënshkruar midis Presidencës së Këshillit të Ministrave në Itali – Departamentit për Informacionin dhe Botime – dhe RAI-t, dhe Kontratës së Shërbimit Publik , i cili njeh identitetin për të drejtat pakicat gjuhësore historike është bërë për arbëreshët e këtij rajoni.
Një program 13-mujor, me projektin që u bë nga Massimo Fedele, drejtor i RAI-t në Kalabri. Njoftimi u pasqyrua në një mesazh nga Anila Bitri Lani, Ambasadorja e Shqipërisë në Itali, të lexuar nga Konsullja e Nderit Anna Madeo: “Ky është një hap themelor jo vetëm për arbëreshët, por për gjithë miqësinë italo-shqiptare.”
Programi do të fillojë transmetimin më 21 shtator, me një episod çdo të diel në televizion. Në radio, një program që përfshin dhe eksploron të gjitha aspektet e kulturës arbëreshe do të transmetohet nga e hëna deri të premten, me përsëritje në fundjavë, shkruan Ansa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
