.png)
Gazeta Si – Guardia di Finanza e Padovës arrestoi një shqiptar, pasi zbuloi një rafineri heroine në shtëpinë e tij.
Sipas mediave italiane që i referohen policisë, jnë sekuestruar 60 kilogramë drogë. Operacioni nisi me një kontroll nga Guardia di Finanza në rrugë: shqiptari kishte siguruar dokumente identiteti që ngjallën dyshime për vërtetësinë e tyre.
Për më tepër, sjellja e tij dhe përgjigjet e paqarta që iu dhanë policisë, i detyruan këta të fundit të dyshojnë, duke vendosur t’i kontrollonin shtëpinë jo shumë larg zonës së ndalimit.
Pikërisht në banesë, u zbulua një rafineri droge: brenda kishte dy thasë me 60 kilogramë heroinë.
Po ashtu, janë gjetur edhe mjete dhe produkte për përgatitjen dhe paketimin e drogës, përveç 25 mijë eurove.
Në mesin e muajit prill, sërish në një shtëpi në Padova, policia italiane gjeti gati 100 kilogramë lëndë narkotike (37 kilogramë kokainë dhe 65 hashash, të fshehura në divan dhe në makinë), me vlerë shtatë milionë euro, që zotëroheshin nga një shqiptar dhe një italian të lidhur me një rrjet narkotikësh të gatshëm për të furnizuar të gjithë vendin.
Policia kishte rënë në gjurmët e dy “magazinëve të drogës” që nga viti 2023: ata u arrestuan të enjten, pas një hetimi që me kalimin e kohës kishte rindërtuar një pjesë të mirë të organizatës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
