.png)
Gazeta Si – Një video që po qarkullon në rrjetet sociale tregon tenistin spanjoll të dëshpëruar pas një stërvitjeje në akademinë e tij. Pas Romës, në rrezik serioz është edhe pjesëmarrja në turneun e Parisit.
I lodhur, me një shikim shqetësues, në gjunjë, i vuajtur, i rrethuar nga Moya dhe stafi i tij. Një video shfaq një Rafael Nadal larg formës dhe larg Roland Garrosit. Në fakt, nuk dihet me saktësi kur është bërë kjo video, nga njerëzit pranë tenistit të njohur nuk ka pasur reagime, por bëhet fjalë për dyshimin e radhës për praninë e 14 herë fituesit të Roland Garros në turneun e tij të preferuar.
Llegan imágenes preocupantes del entreno de hoy de Rafa Nadal. Los plazos de recuperación del psoas hace tiempo que dejaron de cumplirse, y parece evidente que sigue más lejos de su 100% de lo que pensábamos.
— Hugo Durán (@CroniSport) May 11, 2023
Roland Garros, en poco más de 15 días. pic.twitter.com/DG1m619B2o
Nadal nuk luan që nga turi i dytë i Australian Open, mbi 100 ditë më parë. Ka mbetur jashtë gjithë sezonit në dhe të kuq, nga Montekarlo në Madrid dhe Romë, ka humbur 1370 pikë në klasifikim dhe ka dalë nga 10-shja më e mirë për herë të parë që nga prilli i 2005-ës.
Dëmtimi fillimisht parashikonte një ndalesë prej dy muajsh maksimumi, por koha e rikuperimit gati është dyfishuar. Në këtë pikë nuk ka si të mos ngrihen dyshime për pjesëmarrjen në Roland Garros, ku në rastin më të mirë do ta shkojë pa stërvitje në dhe, çka do ta penalizonte jo pak.
Po ashtu, duhet marrë në konsideratë dhe fakti që në Paris Nadal mund të jetë kokë serie e ulët, nga 15 e më poshtë, që do të thotë se mund të përballet me një ‘top 4’ që në fazën e 1/8-ve. A ja vlen? Edhe kjo situatë është për t’u vlerësuar. As vetë Nadal nuk e priste të ndodhte kështu.
Këto javë ai është stërvitur fort në akademinë e tij në Manacor, por asnjëherë nuk ka gjetur ndjesinë e duhur me trupin, që nuk është përgjigjur si duhet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
