.png)
Gazeta Si – Rafael Nadal shkruan një tjetër faqe legjendare të historisë së tij në Roland Garros. Spanjolli, 13 herë fitues në Paris, ka mposhtur Novak Gjokoviç pas 4 setesh, 6-2, 4-6, 6-2 dhe 7-6.
Çerekfinalja mes dy emrave të mëdhenj të tenisit botëror zgjati më shumë se 4 orë. Ishte një betejë epike. Rafael Nadal kaloi në gjysmëfinale, ku do të ndeshet me Aleksander Zverev. Gjermani eliminoi Karlos Alkaraz, një nga lojtarët më në formë.
Episodi numër 59 i një rivaliteti legjendar mban firmën e Rafael Nadal. Ai vazhdon garën drejt Roland Garros numër 14, pasi mundi numrin 1 në botë.
Spanjolli nuk nisej favorit në këtë ndeshje. Madje, Rafael deklaroi se në rast humbjeje mund të ishte ndeshja e tij e fundit në Paris. Pavarësisht problemeve fizike që ka pasur, ai qëndroi në fushë më shumë se 4 orë.
"Merci, merci, merci, merci"@RafaelNadal 🧡 #RolandGarros pic.twitter.com/ysV71soGlE
— Roland-Garros (@rolandgarros) May 31, 2022
Mëngjarashi tregoi edhe një herë se është mbreti i dheut të kuq. Rafael Nadal është i aftë të rezistojë edhe në situatat më të vështira. Shpëtoi në dy ‘set point’-e në setin e 4-t, pasi Gjokoviç ishte përpara 5-2.
MAKE IT 30-29 🔥🔥🔥@RafaelNadal wins the battle against the World No. 1 @DjokerNole 6-2, 4-6, 6-2, 7-6 and is now into the #RolandGarros semi-final! 🙌@rolandgarros pic.twitter.com/tZ5oDHu67U
— ATP Tour (@atptour) May 31, 2022
Spanjolli do të ndeshet me Zverev në gjysmëfinale të premten, ditën e 36-vjetorit të lindjes.
Aleksander Zverev ndali vrapin e fuqishëm të Karlos Alkaraz në Roland Garros. E mundi atë 6-4, 6-4, 4-6 dhe 7-6. Gjermani doli fitues në një ndeshje me shumë ritëm, ndërsa spanjolli del me kokën lart.
U duk sikur Alkaraz ishte më mirë në fillim, por ishte një iluzion. Zverev u fut mirë në lojë, spanjolli u nevozua dhe bëri gabime banale. Mosha e tij e re e tradhëtoi. Zverev tani duhet t’i bëjë llogaritë me mbretin Rafael Nadal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
