Gazeta Si – Ardhja e emigrantëve, por edhe largimi i shqiptarëve për festat e fundvitit, ka shkaktuar ngarkesë në pikën kufitare të Kapshticës me Greqinë.
Sipas të dhënave paraprake, në 24 orët e fundit kanë hyrë 5.518 shtetas dhe kanë dalë 2.185. Pala shqiptare punon me 6 sportele, ndërsa ajo greke me 3, çka ka shkaktuar edhe vonesa të shumta. Kështu, si pasojë e reduktimit të sporteleve, është krijuar radhë kilometrike automjetesh.
Të shtunën e 23 dhjetorit dhe të dielën e një dite më pas, pritet fluks sidomos në pikën e kalimit kufitar të Kapshticës.
Edhe në Portin e Durrësit ka pasur një fluks të lartë pasagjerësh. Mbi 9.500 persona kanë mbërritur në Durrës për festa gjatë 48 orëve të fundit në port.
Paraditen e së shtunës me 2 tragete të linjës Bari-Durrës mbërritën 2.500 persona, ndërsa deri në mbrëmje priten edhe 3 tragete të tjera.
Ministri i Brendshëm Taulant Balla, në një postim në në rrjetet sociale, ka bërë të ditur se pavarësisht rritjes së fluksit tështuar, nuk ka vonesa në pikat e kalimit kufitar në vend.
Balla falënderon dhe homologët nga Maqedonia e Veriut dhe Greqia për amgazhimin për mbarëvajtjen e kalimit në pikat kufitare.
Afrimi i festave të fundvitit sjell një numër të lartë udhëtarësh që zgjedhin rrugët tokësore nga Greqia dhe transportin detar nga Italia për të mbërritur në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
