.png)
Qyteti Algar në Spanjën jugore po kërkon statusin e trashëgimisë botërore të UNESCO-s për të mbrojtur dhe gjallëruar zakonin e tij të çmuar të mbledhjeve në natyrë, në netët e nxehta të verës, të cilat beson se rrjetet sociale i kërcënojnë.
Ndërsa perëndimi i diellit afrohet dhe ajri më i freskët nga malet dhe një park natyror aty pranë lehtësojnë nxehtësinë e ditës, fshatarët fillojnë të sjellin karrige dhe tavolina për t'u ulur jashtë shtëpive të tyre që të qëndrojnë në fllad, të luajnë letra ose thjesht të qetësohen.
Fëmijët shpesh bashkohen me të rriturit, por ka pak fytyra adoleshente që shihen aty. Kryebashkiaku i Algar, Jose Carlos Sanchez shpreson se kjo do të ndryshojë pasi thirrja e tij që më shumë fshatarë të bashkohen në daljet të futet në UNESCO-s.
Dy javë pas nisjes së thirrjes dhe me temperaturat që i afrohen niveleve rekord të larta në Spanjën jugore, ai thotë se u befasua kur gjeti "askënd brenda, të gjithë në rrugë, duke e përforcuar këtë nismë dhe të etur për ta bërë Algarin një Trashëgimi Jomateriale të Njerëzimit".
Ideja është të parandalohen që rrjetet sociale të përfundojnë një traditë popullore, të cilën Sanchez e mban mend që nga fëmijëria e tij si një argëtim i gëzueshëm për familjet dhe fqinjët.
"Kur filloi lulëzimi i rrjeteve sociale, të gjithë ishin në rrjetet sociale. Tani unë mendoj se njerëzit kanë filluar ta lënë atë pak mënjanë për të bashkëvepruar ballë për ballë, për të folur personalisht ... Ajo që ne po përpiqemi të arrijmë është të kemi harmoni dhe komoditet dhe të kthehemi në mënyrën tradicionale të komunikimit", tha ai.
Ulja jashtë gjithashtu ndihmon në kursimin e energjisë, shtoi ai, një faktor i rëndësishëm në Spanjë, ku çmimet e energjisë elektrike janë rritur në nivele rekord këtë javë, pjesërisht për shkak të rritjes së përdorimit të ajrit të kondicionuar në mes të një vale nxehtësie.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
